Íslandsdeild Attac hvetur stjórnvöld til að stíga frá skurðarbrettinu

Íslandseild Attac mótmælir því að íslensk stjórnvöld reki samdráttarstefnu í samráði við AGS sem muni dýpka kreppuna meira en nauðsyn krefur. Þetta er sama stefna og dýpkaði kreppuna í Austur-Asíu á sínum tíma. Í stað þess að reka ríkissjóð með halla til að vinna á móti samdrættinum er skorið niður. Nýlega hefur komið fram í fjölmiðlum að slæm staða sveitarfélaga geri að verkum að skera verði enn meira niður. Þetta er þvert á þær aðvaranir sem Sameinuðu þjóðirnar gefa. Nefnd á vegum allsherjarþings SÞ um kreppuráðstafanir varar við því að láta AGS ráða ferðinni. Stjórnvöld verða að breyta um stefnu, hætta að þjóna fjármagnseigendum og fara að reka kreppupólitík sem kemur almenningi til góða.

Attac á Íslandi
http://attac.is/

Hér má heyra viðtal við Árna Daníel Júlíusson, einn af stofnendum Attac á Íslandi:
http://dagskra.ruv.is/ras1/4421190/2009/06/04/

Samstarf við AGS ekki í uppnám

Athugasemdir

[Guðmundur St Ragnarsson, 4.6.2009 kl. 23:55]

Sammála Þórður. Það er verst að það bendir ekkert til að stjórnvöld séu að breyta um stefnu. Áfram sama gamla smérið: Bjóða fólki upp á mislangar hengingarólar, t.d. að "leyfa" því að setja vanskil aftan við íbúðarlán og lengja þau til svona 70 ára. Hversu lengi ætlar íslenskur almenningur að láta bjóða sér þetta? Ég er hræddur um að það þurfi Búsáhaldabyltingu II svo eitthvað breytist.

[Sigurlaug (IP-tala skráð) 5.6.2009 kl. 07:30]

Sammála Þórður. Ég tel þó ekki þurfa aðra "Búsáhaldabyltinu" heldur hugarfarsbreytingu hjá þjóðinni. Er orðin mjög þreytt á að heyra fólk kalla á "Búsáhaldabyltinguna" því hún bara gerðist en var ekki búin til.

Byltingin byrjar hjá hverjum og einum, menn geta drekkt stjórnvöldum í tölvupósti, farið niður á Alþingi og látið heyra í sér. Nota hugmyndaflugið og bara byrja. Þá fer bylgjan af stað og það gerist af sjálfu sér, ekki með tilkalli.

Síðan eru Attacsamtökin mjög öflug allstaðar í heiminum og ég vil hvetja alla til að skrá sig á póstlistann hjá okkur: attacis:gmail.com. Kynningarfundur um samtökin verður haldinn um mánaðarmótin nk. með fulltrúa samtakanna í Noregi. www.attac.is

[Valgeir Matthías Pálsson (IP-tala skráð) 5.6.2009 kl. 17:03]

Skila láninu frá AGS. Það er nr. 1 á dagskrá að mínu mati. Við ráðum ekki við þetta 2,1 miljarða dollara lán.