„Ef vér slítum í sundur lögin, slítum vér og í sundur friðinn“

Sættir og málamiðlun í deilum eru lykilhugtök í friðarboðskap þeirra bóka sem skrifaðar voru á mestu ófriðartímum þjóðarinnar, þegar kristni var tekin upp á landinu árið 1000.  En hvernig skildu menn þess tíma hugtakið lög?  Lög voru alls ekki lagabókstafurinn fyrst og fremst; lögin voru samfélagið sjálft, hin siðræna undirstaða, rétt hegðun gagnvart náunganum, heiðarleiki.  Ef lögin voru slitinn, ef samfélagið var brotið upp var ófriður skollinn á.  Nú hafa þessi varnaðarorð Þorgeirs Ljósvetningagoða orðið að raunveruleika á okkar tímum, þegar ráðamenn þjóðarinnar hafa „slitið í sundur lögin".

Stjórn Hagsmunasamtaka heimilanna vill með meðsendu fylgiskjali koma á framfæri lykilatriðum um málefni heimilanna inn í umræður um Samfélagssáttmála þann sem nú er í smíðum.  Sem frjálsir þegnar hefur almenningur í landinu kosið sér fulltrúa, sér jafna menn og konur, til að fara með hagsmunamál sín í stjórnsýslu og lykilstofnunum samfélagsins.  Það er gert í því sjónarmiði að jafna stöðu þegnanna á milli, skapa jöfn skilyrði til atvinnustarfsemi og jafnframt að hlúa að uppbyggingu samfélagslegra þátta.

Undanfarin ár hefur þessi skilningur snúist allur á hvolf og þegnarnir eru farnir að þjóna samfélagsyfirbyggingunni og eru orðnir að þrælum fjármálastofnana.  Ef skapa á skilyrði fyrir frjálsa þegna til að búa í þessu landi til framtíðar verður að snúa þessum formerkjum aftur við og hlúa að grunnstoðum samfélagsins, þegnunum sjálfum, heimilunum í landinu.

Stjórn Hagsmunasamtaka heimilanna óskar ykkur góðs gengis í þeirri miklu vinnu sem þið eigið fyrir höndum og er boðin og búin til að leggja sitt af mörkum í því samhengi, sé þess óskað.

***

Svona hljóða skilaboðin með samfélagssáttmála þeim er Hagsmunasamtök heimilanna hafa sent stjórnvöldum og aðlilum vinnumarkaðarins.  Í því plaggi koma fram þær áherslur sem samtökin telja nauðsynlegar að hafa í huga í þeim viðræðum sem nú standa yfir.

„Allir þurfa að standa saman“

Skrár tengdar þessari bloggfærslu:

• Samfélagssáttmáli Hagsmunasamtaka heimilanna

Athugasemdir

[corvus corax, 7.6.2009 kl. 21:23]

Helvítis þvaður! Við launaþrælarnir höfum alltaf "staðið saman" þegar kallað hefur verið eftir þjóðarsátt, en hálaunahyskið, auðmannapakkið og ríkisblóðsugurnar ásamt atvinnurekendum hafa alltaf hlaupist undan ábyrgð og skilið okkur launaþrælana eftir eina í súpunni. Hvernig væri að allur hópurinn "stæði núna saman" og gæfi okkur launaþrælunum frí einu sinni frá þjóðarsátt. Við höfum alltaf tekið á okkur skellinn, nú er komið að öllum hinum!

[Þórður Björn Sigurðsson, 7.6.2009 kl. 21:26]

Góður punktur, ég hvet alla til að lesa plaggið frá HH.  Í því felst svo sannarlega margt sem kæmi launaþrælum landsins til góða.

[Robbi (IP-tala skráð) 7.6.2009 kl. 21:59]

Althingismenn sváfu á verdinum í áratugi.  Starfsfólk fjölmidla gerdi thad líka.  Fólkid í landinu áttadi sig ekki á ad í lýdraedi ber thad ábyrgd. 

Einungis vid slíkar adstaedur getur glaepakerfi eins og kvótakerfid er thrifist.  Thegar fólk er svo ótrúlega heimskt ad kjósa aftur og aftur spillta stjórnmálaflokka, sem vinna gegn hagsmunum almennings, er mjög edlilegt ad afleidingarnar verdi ekki gódar fyrir thjódina.

[Margrét Sigurðardóttir, 7.6.2009 kl. 22:42]

Frábært starf hjá Hagsmunasamtökum heimilanna.

[Valgeir Matthías Pálsson (IP-tala skráð) 8.6.2009 kl. 10:19]

Meiriháttar flottur pistill hjá þér Þórður og þið eruð að vinna frábært starf hjá Hagsmunasamtökum heimilanna. Það er alveg á hreinu. Gangi ykkur vel í dag.