Samanburður á afstöðu framboðanna

Smellið á myndina fyrir betri upplausn.

Tillögur Hagsmunasamtaka heimilanna eru að boðið verði upp á að gengistryggðum lánum verði breytt í verðtryggð lán frá lántökudegi.  Samhliða takmarkist verðbótaþáttur verðtryggðra lána við 4% frá og með 1. janúar 2008.

"Ég hef verið talsmaður niðurfærslu verðbóta, eða höfuðstóls lána, því

að mér finnst hún vera réttlætismál. Hún er jafnframt viðurkenning á

því að ekki sé verjandi að eignamyndun íbúðakaupenda á Íslandi eigi að

vera allt að helmingi hægari en annarsstaðar í veröldinni og

íbúðarlánin dýrari. Niðurfærsluleiðin er auk þess sársaukaminni fyrir

ríkissjóð heldur en niðurgreiðsluleiðin, þvert á það sem sumir telja,

því að hún bitnar fyrst og fremst á fjármagnseigandanum, en ekki

skattgreiðendum nema að því marki sem ríkissjóður (Íbúðarlánasjóður)

sé fjármagnseigandinn. Niðurgreiðslur leggjast hins vegar af fullum

þunga á ríkissjóð hvort sem þær eru í formi hækkunar vaxtabóta eða

sértækra greiðsluaðlögunar. Með niðurskurðarleiðinni er

fjármagnseigandinn alveg stikkfrí og fær allt sitt, en ríkissjóður

blæðir. Með niðurfærsluleiðinni tekur fjármagnseigandinn á sig

skerðingu líkt og lántakandinn, en ríkissjóður er að mestu stikkfrí"

- Ingólfur hjá spara.is

Skuldaleiðrétting óumflýjanleg

Athugasemdir

[Hilmar Heiðar Eiríksson, 20.4.2009 kl. 17:28]

Sæll Þórður og takk fyrir góðan samanburð.

Eins og glögglega má sjá af þessu er eina vitið fyrir okkur að kjósa FRAMSÓKNARFLOKKINN ÞVÍ hann einn hefur tekið afstöðu með lánþegum þessa lands á móti fjármagnseigendum. 

Ég hefði aldrei trúað því að Samfylkingin og Vinstri grænir myndu standa gegn þessari tillögu Framsóknar að því er virðist af tómri öfund yfir því að hafa ekki fattað þetta sjálfir.

Stöndum vörð um hagsmundi heimilanna og kjósum FRAMSÓKN Á LAUGARDAGINN  !!!!!!!!!!!!!

[Valgeir Matthías Pálsson (IP-tala skráð) 20.4.2009 kl. 19:47]

Ég meina það er ekkert verið að gera. Það er ekkert verið að gera í því að hjálpa fólkinu í landinu. Ég meina, þetta er ekkert flókið. Maður hreinlega spyr sig. Hvað er í gangi. Þetta er endalaust verið að útkljá einhver smá mál en þesssi stóru mál eru bara ekkert í brennidepli. Það er bara þannig.

Bestu kevðjur.

[Þórður Björn Sigurðsson, 20.4.2009 kl. 22:32]

Sæll Hilmar, það er rétt hjá þér að Framsókn hefur tekið undir þau sjónarmið að leiðrétta beri lánin.  Það hafa tveir flokkar til viðbótar einnig gert, Frjálslyndi flokkurinn og Borgarahreyfingin.

[Adda Þorbjörg Sigurjónsdóttir, 21.4.2009 kl. 08:20]

Gleymið ekki sjálfstæðisflokknum sem einnig finnst þetta vel athugunarvert. Það er Samfylkingin ein sem setur sig eindregið á móti þessu.

[Ingi Björn (IP-tala skráð) 21.4.2009 kl. 09:18]

Að mínu mati þá er tillaga Borgarahreyfingarinnar lang skynsamlegust. Þannig sitja allir lántakendur við sama borð og er verið að færa stöðu lántakenda fyrir þann tíma er öll lán sprungu, mörg hver með óræðum mælikvarða "verðtryggingunni".