Hornsteinn að samfélagssáttmála

Því miður fer því fjarri að allt sem máli skipti varðandi fjármál stjórnmálaflokkanna sé fram komið.

Almenningur á skýlausan rétt á að flokkarnir opni bókhald sitt nokkur ár aftur í tímann.  T.d. frá því fyrir einkavæðingu bankanna.  Hér má sjá töflu yfir einkavæðingu frá 1992.

Það kann að vera sársaukafullt að draga þessi mál fram í dagsljósið en það er nauðsynlegt svo heiðarlegt uppgjör við fortíðina geti farið fram.

Slíkt uppgjör mætti líta á sem hornstein að nýjum samfélagssáttmála, svo það mikilvæga uppbyggingarstarf sem fyrir þjóðinni liggur megi hefjast.

Ég skora á flokkana að tefja ekki fyrir endurreisninni og taka til óspilltra málanna með þjóðinni.

Allt komið fram sem máli skiptir

Athugasemdir

[hordurh (IP-tala skráð) 11.4.2009 kl. 21:56]

Dabbi, leikklúbbur Sjálfstæðisflokksins, hefur svo sannarlega slegið í gegn með sérlegri páskauppfærslu sinni, þar sem píslarsögu Krists eru gerð eftirminnileg skil.

[Hólmfríður Bjarnadóttir, 11.4.2009 kl. 21:59]

Þetta er góð byrjun og einhver staðar verður að byrja svo mikið er víst. Sumt folk er bara svo reitt og neikvætt að mér hreinlega stendur ekki á sama. Reiði skapar vanlíðan og fólk sem líður ílla, á erfitt með að horfa til framtíðar. Það einblínir á mistök fortíðar og vill helst dæma allt og alla.

Við verðum að horfa fram og marka okkur leið sem við viljum fara. Ég hygg reyndar að slíkt veri gert fljótlega eftir kosningar. Auðvitað verður að gera fortíðina upp af heiðarleika og hreinskilni. Ég hef lika milka trú á að það verði gert. Jákvæðni og bjartsýni hjálpa okkur auk varfærni og festu.

[Valsól (IP-tala skráð) 12.4.2009 kl. 08:02]

Mikið er ég sammála þér, en hefur þú tekið eftir því hérna á blogginu að Sjálfstæðismenn eru komnir fram með sama hrokan og yfirlætið og þeir hafa alltaf verið með. ógeðslegt!