Skorað á UVG

Hreyfingin hefur lagt fram frumvarp til laga um þjóðaratkvæðagreiðslur sem felur í sér ákvæði sem gerir almenningi kleift að kalla eftir þeim:

,,Alþingi getur ákveðið með þingsályktun að þjóðaratkvæðagreiðsla skuli fara fram samkvæmt lögum þessum um tiltekið málefni eða lagafrumvarp. Einnig getur að lágmarki¹/3hluti þingmanna krafist þess með þingsályktun að slík þjóðaratkvæðagreiðsla skuli fara fram.  Þá geta 10% kosningarbærra manna krafist með undirskrift sinni þjóðaratkvæðagreiðslu samkvæmt lögum þessum um tiltekið málefni..."

Nú skora ég á UVG sem og aðra málsmetandi menn að lýsa yfir stuðningi við frumvarpið og taka þátt í að þrýsta á um að það verði að lögum sem fyrst.

Vilja þjóðaratkvæði um ýmis mál

Athugasemdir

[Jóna Kolbrún Garðarsdóttir, 10.3.2010 kl. 01:21]

Ég styð þetta frumvarp 100%

[Axel Þór Kolbeinsson, 10.3.2010 kl. 08:20]

Ég styð það ekki nema 80%.  Ef ég væri á þingi myndi ég kjósa gegn því óbreyttu, en áður leggja til tvær breytingatillögur:

1. Varðandi tímasetningar þjóðaratkvæðagreiðsla.  Ég hefði viljað sjá þjóðaratkvæðagreiðslur fara fram samhliða öðrum kosningum.
2. Bæta við grein varðandi þjóðaratkvæðagreiðslur um breytingar á stjórnarskrá.  Allar breytingar á stjórnarskrá ætti að leggja fyrir þjóðina, og þar er eðlilegt að setja kröfur um kjörsókn og/eða aukinn meirihluta þannig að alltaf sé meirihluti kjörbærra manna hlynntur breytingum á stjórnarskrá.