Fjárhagsleg borgarastyrjöld skollin á?

Í maí 2009 sagði ég í kastljósviðtali að fjárhagsleg borgarastyrjöld væri í uppsiglingu.  Í viðtalinu voru einnig efnahags- og viðskiptaráðherra og Björn Þorri Viktorsson, lögmaður.  Í ljósi þess sem síðar hefur gerst er afar forvitnilegt að horfa á þetta viðtal og velta fyrir sér því sem þar fram kemur.   

Tilmæli FME og SÍ hreyfa væntanlega við ansi mörgum.  Lilja Mós segir nú að allt muni loga í málaferlum.  Og Marinó vill meina að FME og SÍ séu að hvetja til lögbrota.

Ég hugsa að þau hafi bæði mikið til síns máls.

Talsmaður neytenda hefur einnig stigið fram með fyrstu viðbrögð: Einhliða aðgerð án alls samráðs á hæpnum lagalegum forsendum.

Nú veit ég ekki betur en að SÍ og FME séu hluti af framkvæmdavaldinu en efnahags- og viðskiptaráðherra er æðsti yfirmaður þessara stofnana.  Því er að sama skapi forvitnilegt að rifja upp ummæli umrædds ráðherra frá því í september 2009 þegar hann sagði að það væri ekki ráðherra að túlka lögin.

Miða við lægstu vexti á hverjum tíma

Athugasemdir

[Steinar Immanúel Sörensson, 30.6.2010 kl. 14:50]

Ríkisstjórn sem brýtur vísvitandi á Stjórnarskránni er fallin, henni ber tafarlaust að víkja þvi hún getur ekki haft umboð til að starfa fyrir þjóðina þvi umboðið felst í þvi að starfa skv Stjórnarskránni.

Því er það mitt mat sem lögdindils að Ríkisstjórnin hafi nú með þvi að samþykkja tilmæli Seðlabanka og Fmr sagt af sér